പ്ലേ ഓഫ് സാധ്യത നിലനിര്ത്താന് വിജയം അനിവാര്യമായ മത്സരത്തില് ചെന്നൈ സൂപ്പര് കിംഗ്സിന് തോല്വി. ചെപ്പോക്കില് നടന്ന മത്സരത്തില് ചെന്നൈയെ അഞ്ച് വിക്കറ്റിന് തകര്ത്ത് സണ്റൈസേഴ്സ് ഹൈദാരാബാദ് 16 പോയിന്റുമായി പ്ലേ ഓഫിലെത്തി.
181 റണ്സ് വിജയലക്ഷ്യം പിന്തുടര്ന്ന ഹൈദരാബാദ് തുടക്കത്തില പതറിയെങ്കിലും ഇഷാന് കിഷന്റെ അര്ധസെഞ്ചുറിയുടെയും(47 പന്തില് 70), ഹെന്റിച്ച് ക്ലാസന്റെ വെടിക്കെട്ടിന്റെയും(26 പന്തില് 47) കരുത്തില് 19 ഓവറില് അഞ്ച് വിക്കറ്റ് നഷ്ടത്തില് ലക്ഷ്യത്തിലെത്തി.
ഹൈദരാബാദ് ജയിച്ചതോടെ 16 പോയിന്റുള്ള ഗുജറാത്തും ആര്സിബിക്കൊപ്പം പ്ലേ ഓഫിലെത്തുന്ന മൂന്നാമത്തെ ടീമായി. തോല്വിയോടെ ചെന്നൈ പ്ലേ ഓഫ് കാണാതെ പുറത്താകലിന്റെ വക്കിലാണ്.
അവസാന മത്സരത്തില് ഗുജറാത്തിനെ തോൽപിച്ചാലും മറ്റ് ടീമുകളുടെ മത്സരഫലം കൂടി അനുകൂലമായാല് മാത്രമെ ചെന്നൈക്ക് പ്ലേ ഓഫ് സാധ്യതയുള്ളു.
content highlights: srh-vs-csk-ipl-2026-hyderabad-win-by-5-wickets-chepauk